ಶಾಲಾ ವಾರ್ಷಿಕೋತ್ಸವ

              ತಾರೀಕು 31-01-2015 ಶನಿವಾರದಂದು ನಮ್ಮ ಶಾಲಾ ವಾರ್ಷಿಕೋತ್ಸವವು ಬಹಳ ವಿಜೃಂಭಣೆ ಯಿಂದ ನಡೆಯಿತು . ಶಾಲಾ ನಿವೃತ್ತ ಹಿಂದಿ ಶಿಕ್ಷಕಿ ಭಾಗೀರಥಿ ಟೀಚರ್ ಶಾಲಾ ಧ್ವಜಾರೋಹಣ ವನ್ನು ಮಾಡಿದರು . ಶಾಲಾ ಮೆನೇಜರ್ ವಾಸುದೇವ ಕೆ . ಐಲ್ ಮತ್ತು ಶಾಲಾ ಆಡಳಿತ ಕಮಿಟಿಯ ಸದಸ್ಯರು , ಶಾಲಾ ಪಿ . ಟಿ . ಎ . ಮತ್ತು ಎಂ . ಪಿ . ಟಿ . ಎ ಅಧ್ಯಕ್ಷರು ಸಭಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು . ವಾರ್ಷಿಕೋತ್ಸವದ ಅಂಗವಾಗಿ ನಡೆದ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನಗಳನ್ನು ವಿತರಿಸಲಾಯಿತು . ನಂತರ ಮಕ್ಕಳಿಗಾಗಿ ಛದ್ಮ ವೇಷ ಸ್ಪರ್ಧೆಯನ್ನು ಏರ್ಪಡಿಸಲಾಯಿತು .

               ಎಲ್ . ಕೆ. ಜಿ . ಯು . ಕೆ . ಜಿ ಮತ್ತು ಅಂಗನವಾಡಿ ಮಕ್ಕಳ ನೃತ್ಯದ ಮೂಲಕ ಎಲ್ಲರನ್ನೂ ಮನರಂಜಿಸಿದರು . ಎಲ್ಲರಿಗೂ ಮಧ್ಯಾಹ್ನ ಊಟದ ವ್ಯವಸ್ಥೆಯನ್ನು ಮಾಡಲಾಗಿತ್ತು . ಸಂಜೆ 4 ರಿಂದ 6 ಗಂಟೆಯ ವರೆಗೆ ವಿದ್ಯಾರ್ಥಿಗಳಿಂದ ವಿವಿಧ ಕಾರ್ಯಕ್ರಮಗಳು ಜರಗಿತು . ರಾತ್ರಿ 7. ೦೦ ಕ್ಕೆ ಸರಿಯಾಗಿ ಸಭಾ ಕಾರ್ಯಕ್ರಮವು ಆರಂಭವಾಯಿತು . ಮಂಜೇಶ್ವರ ಉಪಜಿಲ್ಲಾ ವಿದ್ಯಾಧಿಕಾರಿಯಾದ ನಂಧಿಕೇಶ ರವರು ಅಧ್ಯಕ್ಷ ಸ್ಥಾನವನ್ನು ವಹಿಸಿದರು . ನವೀನ್ ಚಂದ್ರ ಐಲ್ ,ಏರಿಯ  ಮೆನೇಜರ್ ,ಮುತ್ತೂಟ್ ಫೈನಾನ್ಸ್ ಮಂಗಳೂರು ಮತ್ತು ಶ್ರೀ ರಭಿಲಾಶ್ (ಮೆನೇಜರ್ , ರೇಶನಿಂಗ್ ಹೋಲ್ ಸೇಲ್ ಫುಡ್ ಡಿಸ್ಟ್ರಿ ಬ್ಯುಟರ್ ,ಕಾಸರಗೋಡು ) ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು . 2014-15 ನೇ ಅಧ್ಯಯನ ವರ್ಷದಲ್ಲಿ ನಿವೃತ್ತ ರಾಗಲಿರುವ ಶ್ರೀಮತಿ ಶಶಿಕಲಾ ಟೀಚರ್ ಮತ್ತು ಶ್ರೀಮತಿ ಲಕ್ಷ್ಮಿ ಟೀಚರ್ ರವರನ್ನು ಶಾಲಾ ಅಧ್ಯಾಪಕರ ಪರವಾಗಿ ಮತ್ತು ಮೆನೇಜ್ ಮೆಂಟ್ ಪರವಾಗಿ ಸನ್ಮಾನಿಸಲಾಯಿತು . ಸಭಾ ಕಾರ್ಯಕ್ರಮದ ನಂತರ ಮಕ್ಕಳ ನೃತ್ಯ ಕಾರ್ಯಕ್ರಮ ಮುಂದುವರಿಯಿತು . 10.00. ಗಂಟೆಗೆ ಸರಿಯಾಗಿ ಕಾರ್ಯಕ್ರಮ ಮುಕ್ತಾಯ ಗೊಂಡಿತು.